Sot u mbajt ceremonia solemne për shënimin e 25-vjetorit të themelimit të Mjekësisë Familjare në Kosovë, një moment i rëndësishëm që nderoi përkushtimin dhe kontributin e madh të profesionistëve të kësaj fushe në shëndetin publik.
Në këtë ngjarje të veçantë mori pjesë edhe nënkryetari i Odës së Mjekëve të Kosovës, Dr. Rrezart Halili. Në fjalimin e tij, Dr. Halili përgëzoi kolegët për 25 vite punë të palodhshme dhe sukseset e arritura në përmirësimin e shërbimeve shëndetësore për qytetarët e Kosovës.
Ceremonia, e organizuar me pjesëmarrjen e mjekëve familjarë nga e gjithë Kosova, përfshiu diskutime mbi zhvillimet dhe sfidat në këtë fushë, si dhe prezantime mbi arritjet kryesore gjatë këtyre viteve.
Mjekësia Familjare, e themeluar 25 vite më parë, vazhdon të mbetet një shtyllë thelbësore e sistemit shëndetësor në Kosovë, duke siguruar kujdes të vazhdueshëm dhe gjithëpërfshirës për qytetarët.
