Kirurgët në Spitalin e Përgjithshëm të Masaçusets kanë realizuar me sukses transplantimin e katërt të një veshke derri në SHBA.
Përfituesi i organit të modifikuar gjenetikisht ishte një burrë 66-vjeçar me dështim të veshkave, shkruan burimi Health Day transmeton Gazeta Shneta.
Transplanti i fundit ishte pjesë e një prove klinike të re të miratuar nga Administrata e Ushqimit dhe Barnave të SHBA-së (FDA), për të testuar nëse organet e derrit të modifikuar gjenetikisht mund të funksionojnë në mënyrë afatgjate tek pacientët human.
Përfituesi, Tim Andrews kishte kaluar më shumë se dy vjet duke marrë dializë përpara operacionit të transplantit, raportoi The New York Times.
Ai kishte pësuar një infarkt të zemrës pak pasi kishte filluar dializën. Deri në gusht, kur filloi të diskutonte për transplantin me mjekët në Mass General, ai mbështetej në një karrocë.
Vetëm një javë pas marrjes së veshkës së derrit, Andrews ishte mjaft i shëndetshëm për të lënë spitalin.
“Është si një motor i ri – papritmas kisha një makinë energjie që po rridhte në mua,” tha Andrews për burimin The Times.
Nëse transplantet e organeve të derrit provohen të jenë të sigurta dhe efikase, mbeten pyetje rreth kostos dhe mbulimit të tyre nga sigurimi shëndetësor.
Më shumë se 100,000 njerëz në SHBA po presin transplant organesh. Shumica kanë nevojë për veshka.
Shumë njerëz vdesin para se të marrin një organ për shkak të mungesës së organeve të dhuruara njerëzore.
Veshka që mori Andrews erdhi nga një derr që kishte 69 modifikime gjenetike, përfshirë 59 ndryshime për të reduktuar rrezikun e infeksioneve virale, raportoi The Times. /Gazeta Shneta/