Një studim tjetër po mbështet idenë se ilaçi i njohur GLP-1, Ozempic, mund të ndihmojë individët që kanë probleme me alkoolin, të frenojnë konsumimin e tij.
Hulumtimi i ri tregoi se krahasuar me placebo, injeksionet javore të semaglutidit (i cili reklamohet gjithashtu për humbje peshe si Wegovy) ndihmuan në reduktimin e dëshirave për alkool tek individët me çrregullime të përdorimit të alkoolit. Ilaçi gjithashtu dukej se zvogëlonte sasinë dhe frekuencën e konsumit të alkoolit, thanë studiuesit – shkruan burimi Health Day përcjell Gazeta Shneta.
“Ka një nevojë të vërtetë për qasje të reja për trajtimin e alkoolizmit,” tha autori kryesor i studimit, Christian Hendershot. Ai drejton Institutin e Kërkimit për Varësitë në Universitetin e Kalifornisë Jugore.
“Dy ilaçe që janë miratuar aktualisht për të zvogëluar konsumimin e alkoolit nuk përdoren gjerësisht,” tha Hendershot.
“Popullariteti i Ozempic dhe agonistëve të tjerë të receptorëve GLP-1 rrit mundësinë që këto trajtime të adoptohen gjerësisht për çrregullimin e përdorimit të alkoolit.”
Ekipi i tij publikoi gjetjet më 12 shkurt në “JAMA Psychiatry”.
Lidhjet midis ilaçeve GLP-1 dhe uljes së varësisë nga alkooli nuk janë të reja: Pacientët që merrnin GLP-1 për diabetin ose humbjen e peshës e kishin vënë re shpejt se dëshira e tyre për alkool zvogëlohej pasi fillonin terapinë.
Megjithatë, autori Hendershot e quajti këtë studim si të parin hulumtim të randomizuar, të kontrolluar me placebo, që heton këtë efekt. /Gazeta Shneta/