Një studim i fundit sugjeron se rastet e sëmundjes së Parkinsonit do të arrijnë në 25.2 milionë në mbarë botën deri në vitin 2050, një rritje prej 112% krahasuar me vitin 2021. Kjo rritje parashikohet të ndodhë kryesisht për shkak të plakjes së popullsisë dhe rritjes së popullsisë, me një rritje të theksuar të rasteve në Azinë Lindore dhe Azi të Jugut.
Studimi përdori të dhënat nga Studimi Global i Ngarkesës së Sëmundjeve 2021 për të vlerësuar prevalencën e sëmundjes dhe faktorët që e shkaktojnë këtë rritje, shkruan MedicalXpress transmeton Gazeta Shneta.
Rritja e rasteve pritet të jetë më e madhe në Afrikën Perëndimore dhe do të prekë më shumë ata mbi 80 vjeç. Megjithatë, studimi thekson se mundësitë për të ulur rastet në të ardhmen përfshijnë rritjen e aktivitetit fizik, ndërsa ndalimi i duhanit mund të shkaktojë një rritje të prevalencës.
Studimi gjithashtu nënvizon nevojën për hulumtime të ardhshme në zhvillimin e terapive të reja për të ndryshuar kursin e sëmundjes dhe për të përmirësuar cilësinë e jetës së pacientëve./Gazeta Shneta/