Një studim i ri nga Universiteti i East Anglia-s ka zbuluar se një lloj ilaçi për diabetin, i quajtur SGLT2 inhibitor, mund të ndihmojë pacientët me kancer të kenë një rikuperim më të mirë afatgjatë, veçanërisht në lidhje me dështimin e zemrës.
Pacientët me kancer shpesh zhvillojnë probleme me zemrën, si pasojë e kancerit ose trajtimeve të kimioterapisë, dhe ky ilaç ka treguar se mund të ulë me më shumë se 50% rrezikun e dështimit të zemrës dhe spitalizimeve të paplanifikuara për këtë problem, transmeton Gazeta Shneta.
Përfitimet ishin veçanërisht premtuese për pacientët me kancer gjiri që merrnin kimioterapi me anthracycline, një lloj kimioterapie që ndikon në shëndetin e zemrës. Studimi tregon se përdorimi i këtij ilaçi mund të reduktojë rastet e reja të dështimit të zemrës me më shumë se 70%, duke sugjeruar se mund të mbrojë zemrën gjatë dhe pas trajtimit të kancerit.
Ky është studimi i parë që tregon se një ilaç mund të ndihmojë në uljen e rrezikut të dështimit të zemrës dhe spitalizimeve për pacientët me kancer. Megjithatë, kërkohen studime të tjera për të konfirmuar këto gjetje dhe për të përcaktuar nëse ky ilaç mund të përdoret si trajtim rutinë për pacientët me kancer./GazetaShneta/