Një studim i publikuar në revistën Neurology ka zbuluar se personat që konsumojnë më shumë ushqime shumë të përpunuara – si drithërat e gatshme, ëmbëlsirat e paketuara dhe sallamrat – kanë më shumë gjasa të shfaqin shenja të hershme të sëmundjes së Parkinsonit, krahasuar me ata që konsumojnë më pak nga këto ushqime.
Studimi përfshiu mbi 42,000 persona dhe i ndoqi për një periudhë deri në 26 vjet. Ai tregoi një lidhje – jo domosdoshmërisht shkakësi – mes konsumit të lartë të ushqimeve të përpunuara dhe rrezikut më të madh për simptoma të hershme si çrregullimet e gjumit, depresioni, dhimbjet trupore dhe ndjeshmëria e ulët ndaj aromave.
Personat që konsumonin më shumë se 11 racione në ditë nga këto ushqime kishin 2.5 herë më shumë gjasa të shfaqnin së paku tre simptoma të hershme të Parkinsonit, krahasuar me ata që konsumonin më pak se tre racione, shkruan MedicalXpress transmetonj Gazeta Shneta.
Studiuesit theksojnë rëndësinë e dietës së shëndetshme për ruajtjen e shëndetit të trurit dhe sugjerojnë më shumë kërkime për të vërtetuar këto gjetje.