Një artikull i publikuar në revistën Nature Medicine ka ngritur alarmin për praninë e kimikateve sintetike në ushqime si një nga boshllëqet më të mëdha në shëndetin publik.
Studiuesit theksojnë se kimikatet që vijnë nga materialet e kontaktit me ushqimin – si ambalazhi dhe pajisjet përpunuese – janë të lidhura me një sërë sëmundjesh të rënda, përfshirë kancerin, sëmundjet kardiovaskulare, çrregullimet metabolike, neurologjike dhe riprodhuese.
Kimikatet e rrezikshme, si bisfenoli, ftalatet dhe substancat PFAS, mund të migrojnë në ushqime përmes transportit, përpunimit, paketimit dhe përgatitjes, shkruan MedicalXpress transmeton Gazeta Shneta.
Rritja e konsumit të ushqimeve ultra të përpunuara (UPF), që shpesh janë në kontakt me këto substanca, e rrit më tej rrezikun.
“Ushqimet e paketuara ultra të përpunuara janë të shijshme dhe të lehta për përdorim, por përmbajnë shumë kimikate sintetike dhe mikroplastikë nga burime të ndryshme,” tha autorja kryesore Jane Muncke.
Ajo thekson nevojën për një qasje gjithëpërfshirëse në politikëbërje që të përfshijë edhe ndikimet në shëndetin e njeriut dhe të planetit. Testime moderne për mikroplastikën dhe migrimin e kimikateve në ushqim janë thelbësore për një sistem ushqimor më të sigurt dhe të qëndrueshëm./Gazeta Shneta/