Joga Kundalini, një formë joge që fokusohet më shumë në meditim dhe frymëmarrje sesa në qëndrime fizike, ofron përfitime të rëndësishme njohëse për gratë pas menopauzës që janë në rrezik të zhvillimit të sëmundjes Alzheimer, zbuloi një studim i ri.
Studimi, botuar në revistën “Translational Psychiatry”, tregoi se joga Kundalini është më efektive sesa trajnimet tradicionale për përmirësimin e kujtesës. Kjo praktikë ndihmon në rivendosjen e rrugëve nervore, parandalimin e rënies së lëndës së trurit dhe përmirësimin e biomarkerëve që lidhen me plakjen dhe inflamacionin, shkruan burimi Health News transmeton Gazeta Shneta.
Sipas autorës kryesore, Dr. Helen Lavretsky nga UCLA Health, joga përmirëson shëndetin e trurit, ul stresin dhe promovon neuroplasticitetin – aftësinë e trurit për t’u përshtatur dhe rigjeneruar.
Gratë kanë afërsisht dyfishin e rrezikut për sëmundjen Alzheimer krahasuar me burrat, pjesërisht sepse jetojnë më gjatë. Në studim morën pjesë 63 gra në postmenopauzë, të cilat u ndanë në dy grupe: një grup praktikonte joga Kundalini për 12 javë, ndërsa tjetri bënte trajnime tradicionale për kujtesën.
Rezultatet treguan përmirësime të dukshme tek grupi i jogës, si reduktim të ankesave për kujtesë, ruajtjen e materies së trurit dhe përmirësime në biomarkerat anti-inflamatorë. MRI-të treguan rritje të aktivitetit në hipokampus, zonë kyçe për kujtesën.
“Joga ofron efekt neuroplastic anti-inflamator dhe kundër plakjes që plotëson trajnimet e kujtesës,” tha Dr. Lavretsky. /Gazeta Shneta/