Ekspozimi ndaj ndotjes së ajrit mund të përshpejtojë humbjen e masës kockore te gratë pas menopauzës, sipas një studimi të publikuar më 24 prill në Journal of Bone and Mineral Research.
Studiuesit nga Icahn School of Medicine në New York, të udhëhequr nga Dr. Diddier Prada, analizuan të dhënat e 278 pjesëmarrëseve nga programi Women’s Health Initiative, për të shqyrtuar ndikimin e ndotësve të ajrit në densitetin mineral të kockave.
Gjetjet treguan se ndotësit si oksidi dhe dioksidi i azotit, si dhe dioksidi i squfurit, kanë lidhje me përbërës metabolikë që ndikojnë negativisht në shëndetin e kockave. Në veçanti, u vu re se ndotja ndikon në humbjen e densitetit të kockave në shtyllën kurrizore, ndërsa grimcat e imëta PM10 nuk kishin lidhje të dukshme.
Dr. Prada e cilësoi studimin si një “thirrje për zgjim”, duke theksuar nevojën për zbulim të hershëm dhe zhvillimin e strategjive për të zbutur dëmet që ndotja shkakton në kocka, veçanërisht për grupet që nuk mund ta shmangin ekspozimin ndaj saj./Gazeta Shneta/