Përfitimet e një nate të mirë gjumi janë të njohura prej kohësh nga studiuesit dhe profesionistët e shëndetit.
Gjatë gjumit, trupi ynë punon për të rigjeneruar sistemin kardiovaskular dhe atë imunitar, si dhe për të rregulluar metabolizmin. Truri përpunon dhe ruan kujtimet e ditës.
Megjithatë, edhe pse ekspertët rekomandojnë të flemë të paktën 7 orë natë për natë, thuajse 40% e të rriturve në SHBA mes viteve 2013 dhe 2022 kanë fjetur më pak se kjo, sipas Qendrave për Kontrollin dhe Parandalimin e Sëmundjeve (CDC).
Kjo është shqetësuese, pasi mungesa e gjumit mund të shkaktojë dëmtime, probleme fizike e mendore, ulje të produktivitetit dhe rrezik më të lartë për vdekje, sipas Institutit Kombëtar të Shëndetësisë.
Por ka shpresë! Studimet tregojnë se ushtrimi i rregullt ndihmon për të fjetur më mirë, ndërsa gjumi i mirë e bën më të lehtë dhe më të këndshme ushtrimin. Dr. Eric Olson, president i Akademisë Amerikane të Mjekësisë së Gjumit dhe profesor në Mayo Clinic, thotë:
Shumica e njerëzve raportojnë se kur ushtrojnë, flenë më mirë — duke fjetur më shpejt, më thellë dhe me efikasitet më të madh, që do të thotë më shumë kohë të vërtetë gjumi dhe jo duke ndenjur në shtrat.