Banania është një frut i përhapur, i lirë dhe plot me lëndë ushqyese të rëndësishme që mbështesin shëndetin e përgjithshëm dhe atë të zorrëve. Koha më e mirë për të ngrënë banane varet nga qëllimet tuaja, por për shëndetin e zorrëve, nuk ka një orar të veçantë — rëndësi ka që bananet të jenë pjesë e dietës tuaj.
Banania përmban fibra të tretshme dhe të patretshme që ndihmojnë në lëvizjen e ushqimit në zorrë, bëjnë jashtëqitjen më të butë dhe sjellin ndjenjën e ngopjes.
Mes tjerash, bananet më të pjekura përmbajnë rreth 2 gramë fibra, ndërsa ato pak më të pjekura rreth 4.5 gramë. Ato gjithashtu përmbajnë prebiotikë, të cilët ushqejnë bakteret e mira në zorrë, përmirësojnë tretjen dhe rregullojnë sheqerin në gjak, shkruan The Very Well Health transmeton Gazeta Shneta.
Banania është pjesë e dietës BRAT (banane, oriz, salcë molle dhe tost) që rekomandohet për qetësimin e dhimbjes së stomakut. Poashtu, ndihmon në prodhimin e mukusit në stomak, duke mbrojtur kundër aciditetit dhe nauzeve.
Për qëllime specifike, bananet mund të konsumohen para stërvitjes për energji të shpejtë, pas saj për rifreskim me elektrolite si magnezi dhe kaliumi, dhe para gjumit për shkak të përmbajtjes së triptofanit, që nxit gjumin. /Gazeta Shneta/