TherVacB, një vaksinë terapeutike kundër hepatitit B kronik, ka hyrë në provën e saj të parë klinike te pacientët.
Pacienti i parë u trajtua në qershor 2025, ndërsa studimi po zhvillohet në pesë vende: Gjermani, Itali, Spanjë, Angli dhe Tanzani.
Vaksina synon të stimulojë sistemin imunitar për të luftuar virusin, ndryshe nga trajtimet ekzistuese që vetëm e kontrollojnë atë, shkruan MedicalXpress transmeton Gazeta Shneta.
TherVacB mbulon mbi 95% të varianteve të virusit dhe mund të sjellë shpresë për një shërim të mundshëm.
Në këtë fazë po testohen siguria, toleranca dhe efekti imun te pacientët që aktualisht marrin terapi antivirale.
Nëse rezultatet janë pozitive, vaksina mund të shënojë një kthesë historike në trajtimin e hepatitit B, i cili prek mbi 250 milionë njerëz në mbarë botën./Gazeta Shneta/