Sëmundjet inflamatore të zorrëve (IBD), përfshirë kolitin ulçeroz dhe sëmundjen e Crohn-it, janë gjendje kronike që dëmtojnë zorrët dhe shkaktojnë simptoma të pakëndshme. Parandalimi i tyre mbetet sfidues. Një përmbledhje sistematike dhe analiza përmbledhëse e disa studimeve ka identifikuar lidhje mes dietës dhe rrezikut për zhvillimin e sëmundjes së Crohn-it.
Studiuesit analizuan 72 studime me mbi 2 milionë pjesëmarrës dhe gjetën se dietat inflamatore dhe ushqimet ultra të përpunuara rrisin rrezikun për sëmundjen e Crohn-it, por jo domosdoshmërisht për kolitin ulçeroz. Ndërkaq, një dietë e shëndetshme ose ajo mesdhetare, e pasur me fibra dhe ushqime të papërpunuara, mund të ulë rrezikun, shkruan burimi Medical News Today transmeton Gazeta Shneta.
Disa studime treguan se konsumimi i mishit të kuq, pijeve me pak kalori dhe ushqimeve të përpunuara shoqërohej me rrezik më të lartë për sëmundjen e Crohn-it.
Përkundrazi, marrja e acideve yndyrore omega-3 dhe flavonoideve bimore tregoi efekt mbrojtës.
Studiuesit theksuan se lidhjet mes dietës dhe sëmundjes së Crohn-it ishin të varura nga sasia e konsumuar. Këto gjetje nënvizojnë rëndësinë e zgjedhjeve ushqimore në parandalimin e kësaj sëmundjeje. /Gazeta Shneta/