Spitali i Përgjithshëm i Pejës ka bërë të ditur statistikat javore të shërbimeve mjekësore, ku lajmi më i gëzueshëm vjen nga materniteti: gjatë javës së kaluar kanë lindur 15 vajza dhe 12 djem, duke sjellë kështu 27 foshnje të reja në jetë.
Sipas njoftimit zyrtar, përveç lindjeve, spitali ka qenë i angazhuar në një sërë shërbimesh tjera mjekësore. Brenda javës janë realizuar:
– 3,364 vizita specialistike;
– 249 pranime në spital, me një mesatare prej 172 pacientësh të shtrirë çdo ditë;
– 1,802 pacientë kanë kryer gjithsej 19,226 analiza laboratorike;
– 54 operacione të suksesshme;
– 239 dializa.
Në aspektin e diagnostikimeve, janë kryer gjithsej:
– 537 Rëntgen, 309 Eho, 111 CT, 32 MRI, si dhe 5 mamografi;
– 24 ergometri dhe 29 ekokardiografi;
– 8 kolonoskopi dhe 19 gastroskopi;
– 162 shërbime fiziatrike. /Gazeta Shneta/