Një studim i ri i publikuar në Journal of the Endocrine Society ka zbuluar se personat që e kalojnë mëngjesin dhe konsumojnë darka të vona kanë një rrezik më të lartë për të zhvilluar osteoporozë.
Kërkuesit nga Universiteti Mjekësor i Nara-s në Japoni analizuan të dhënat e mbi 927 mijë të rriturve dhe zbuluan se këto zakone ushqimore lidhen ngushtë me frakturat osteoporotike, si ato të ijeve, krahut apo shtyllës kurrizore.
“Shmangia e mëngjesit dhe darkat e vona jo vetëm që ndikojnë në kocka, por shpesh shoqërohen edhe me faktorë të tjerë rreziku si mungesa e aktivitetit fizik, duhanpirja dhe gjumi i pamjaftueshëm,” theksoi autori kryesor i studimit, Dr. Hiroki Nakajima.
Ekspertët nënvizojnë se parandalimi i osteoporozës kërkon jo vetëm ushqyerje të shëndetshme, por edhe ndryshime më të gjera në stilin e jetesës, duke përfshirë aktivitetin fizik dhe reduktimin e zakoneve të dëmshme./Gazeta Shneta/