Bordi Drejtues i Shërbimit Spitalor Klinik dhe Universitar i Kosovës e ka mbajtur një mbledhje pa praninë e mediave në të cilën është zgjedhur kryesuese Tetore Olloni.
Bordi Drejtues i SHSKUK-së pas gati tre muajve, sot e ka mbajtur mbledhjen e radhës por për dallim prej herave të tjera, kësaj radhe pa praninë e mediave, shkruan Gazeta Shneta.
Në këtë mbledhje është zgjedhur kryesuesja e Bordit Tetore Olloni, e cila është përfaqësuese nga Qendra Klinike Universitare Stomatologjike.
“Ju njoftojmë se Bordi Drejtues i SHSKUK-së, në mbledhjen e mbajtur më 25.09.2025, konform dispozitave ligjore, dhe parimit të rotacionit, me 5 vota për, ka zgjedhur Kryesuese të Bordit Drejtues Dr. Tetore Olloni – Përfaqësuese e Qendrës Klinike Universitare Stomatologjike të Kosovës”, thuhet në njoftimin e Bordit.
Bordi Drejtues i SHSKUK-së është në këtë përbërje: Dr. Tetore Olloni – Kryesuese, Dr. Dren Boshnjaku – Anëtar, Dr. Rrezarta Bajrami – Anëtare, Dr. Ismet Ramadani – Anëtar, Dr. Vjollca Kadolli- Anëtare, Dr. Besa Balidemaj- Anëtare.
Ky është viti i tretë i këtij Bordi. Në vitin e parë kryesues ka qenë ish-anëtari nga Ministria e Shëndetësisë Naim Bardiqi, kurse në vitin e dytë është kryesuar nga Dren Boshnjaku anëtar nga QKUK.
Të gjitha mbledhjet e Bordit kanë qenë të hapura për media, përveç kësaj të fundit. /Gazeta Shneta/