Policia e Kosovës ka apeluar tek qytetarët që të tregojnë kujdes të shtuar gjatë ngasjes së automjeteve në kushte shiu, për të garantuar sigurinë e tyre dhe të pjesëmarrësve tjerë në komunikacion.
Në njoftimi, Policia thekson rëndësinë e respektimit të disa këshillave thelbësore për ngasje të sigurt:
Të mbahen dritat e ndezura, për të rritur dukshmërinë në rrugë.
Të zvogëlohet shpejtësia, pasi rruga e lagur kërkon distancë më të gjatë për frenim.
Të shmangen shpërqendrimet, sidomos përdorimi i telefonit gjatë ngasjes.
Të krijohet distancë pasuese mes mjeteve, për të parandaluar aksidentet.
Mos i qëndroni shumë afër makinës para jush – parandaloni aksidentet.
Mos lejoni që reshjet t’ju ndalin nga kujdesi!
Siguria është në duart tuaja.