Një grup shkencëtarësh ka hetuar së fundmi lidhjen midis cilësisë së dietës ushqyese dhe plakjes biologjike, duke përdorur të ashtuquajturat “ora epigjenetike” për të matur ndryshimet në ADN.
Sipas raportimit të Medical News Today, kjo orë mund të jetë si biomarker që mat ndryshimet në metilimin e ADN-së, duke vlerësuar moshën biologjike të individit krahasuar me moshën e tij kronologjike, përcjell Gazeta Shneta.
Ora epigjenetike përdoret gjerësisht në kërkime për të kuptuar proceset e plakjes, ndikimin e stilit të jetesës dhe faktorëve mjedisorë në shëndet, si dhe për të parashikuar rrezikun për sëmundje kronike. Një nga modelet më të njohura është ajo e zhvilluar nga shkencëtari Steve Horvath, e cila vlerëson rajonet e metiluara të ADN-së për të përcaktuar “moshën epigjenike”. Një moshë biologjike më e lartë se ajo reale mund të tregojë plakje të përshpejtuar.
Studimi, i publikuar në “Journal of Clinical Nutrition”, analizoi 826 të rritur dhe të rinj. Rezultatet treguan se dietat e varfra – me shumë ushqime të përpunuara, mish të kuq dhe pije të gazuara, por pak fruta e perime – lidhen me plakje më të shpejtë biologjike, madje edhe në moshë të re.
Në të kundërt, individët që ndiqnin një dietë të pasur me fruta, perime dhe ushqime të freskëta kishin shenja të plakjes më të ngadaltë.
Studiuesit theksojnë se këto gjetje nënvizojnë rëndësinë e një ushqyerjeje të shëndetshme për ruajtjen e vitalitetit dhe ngadalësimin e proceseve biologjike të plakjes. /Gazeta Shneta/