Gjatë Kongresit të 10-të Mbarëkombëtar të Stomatologjisë në Tiranë, më 31 tetor – 1 nëntor 2025, Kryetari i Odës së Stomatologëve të Kosovës (OSK), Prof. Dr. Blerim Kamberi, u takua me Kryetaren e Shoqatës Dentare Shqiptare (SHDSH), Prof. asoc. Etleva Qeli.
Takimi u zhvillua në një atmosferë miqësore, ku të dy kryetarët shkëmbyen ide dhe qëndrime mbi interesat e përbashkëta, si dhe për thellimin e bashkëpunimit ndërmjet stomatologëve shqiptarë në të gjitha trojet dhe diasporë, me synim zhvillimin e mëtejshëm të stomatologjisë shqiptare, transmeton Gazeta Shneta.
Në kuadër të takimit, të dy institucionet nënshkruan një marrëveshje bashkëpunimi që përfshin edukimin profesional të vazhdueshëm, shkëmbimin e përvojave dhe organizimin e aktiviteteve të përbashkëta shkencore dhe profesionale./Gazeta Shneta/