Spitali i Përgjithshëm i Gjakovës “Isa Grezda”, ka sqaruar se lajmet për mosfunksionimin e aparatit CT nuk janë të vërteta.
Sipas njoftimit zyrtar të spitalit, aparati CT është plotësisht funksional dhe të gjitha rastet diagnostike po trajtohen normalisht. Teksa, dje, pajisja ka qenë vetëm në mirëmbajtje të rregullt teknike, një procedurë që kryhet çdo muaj ose sa herë që është e nevojshme, thuhet mes tjerash.
“Nuk ka asnjë arsye për shqetësim — qytetarët e Gjakovës po marrin shërbimet diagnostike pa asnjë ndërprerje”, theksohet në njoftim. /Gazeta Shneta/