Me fillimin e sezonit të gripit në Europë, të dhënat e reja tregojnë se normat e vaksinimit mbeten të ulëta në shumë shtete.
Sezoni i gripit zakonisht zgjat nga mesi i nëntorit deri në fund të majit, dhe viti i kaluar (2024-2025) ishte veçanërisht i ashpër, duke infektuar deri në një në pesë evropianë dhe duke shkaktuar rreth 27,600 vdekje në Bashkimin Europian.
Shifrat e publikuara nga Qendra Europiane për Parandalimin dhe Kontrollin e Sëmundjeve (ECDC) tregojnë se vetëm disa vende po arrijnë të afërm nga targeti i vaksinimit të të rriturve mbi 65 vjeç, shkruan Euronews përcjell Gazeta Shneta.
Vaksinimi në këtë grup varion nga nën 15 për qind në Letoni dhe Poloni, deri në 76 për qind në Danimarkë, ndërsa mesatarja e BE-së është 47 për qind. Përveç Danimarkës, vetëm Irlanda, Portugalia dhe Suedia janë afër objektivit të Bashkimit Europian për të vaksinuar të paktën 75 për qind të të moshuarve.
Sa i përket punonjësve shëndetësorë, 23 vende rekomandojnë vaksinimin e detyrueshëm, por normat variojnë nga 14 për qind në Slloveni deri në 51 për qind në Norvegji.
Tek gratë shtatzëna, të dhënat nga 8 vende tregojnë një normë mesatare 22 për qind, me Spanjën në krye me 61 për qind, ndërsa disa vende janë ende nën 10 për qind.
ECDC thekson se për të përmirësuar mbulimin e vaksinimit, autoritetet shëndetësore duhet të bëjnë më shumë sesa të përditësojnë udhëzimet zyrtare, duke inkurajuar qytetarët të vaksinohen, sidomos ata që janë më të rrezikuar nga gripi, si të moshuarit, fëmijët, shtatzënat dhe personeli mjekësor./Gazeta Shneta/