Organizata Botërore e Shëndetësisë ka lëshuar udhëzimet e saj të para për përdorimin e ilaçeve kundër obezitetit, duke theksuar se ato duhet të kombinohen me një stil jetese të shëndetshëm, ushtrime fizike dhe mbështetje psikologjike.
Ilaçet si Wegovy, Mounjaro dhe Ozempic, që i përkasin klasës së agonistëve GLP-1, ndihmojnë në humbjen e peshës duke zvogëluar oreksin, shkruan Euronews përcjell Gazeta Shneta.
Megjithatë, njerëzit shpesh rikuperojnë peshën kur ndalojnë marrjen e ilaçeve, prandaj ekspertët rekomandojnë ndjekje të vazhdueshme dhe mbështetje të integruar.
WHO thekson se obeziteti është një sëmundje kronike që kërkon trajtim afatgjatë dhe jo vetëm ilaçe. Aktualisht, mbi 890 milionë të rritur në botë vuajnë nga obeziteti, i cili rrit rrezikun për sëmundje të zemrës, diabet, kancer dhe probleme të tjera shëndetësore.
Ekspertët rekomandojnë që trajtimi i obezitetit të kombinojë ilaçet me ushqim të shëndetshëm, aktivitet fizik dhe kujdes të vazhdueshëm mjekësor, për të përmirësuar shëndetin dhe cilësinë e jetës së pacientëve./Gazeta Shneta/