Një studim i publikuar në JAMA Network Open tregon se mbijetuarit afatgjatë të kancerit përballen me rrezik të shtuar për depresion të vonshëm, sidomos kur kanë vështirësi socio-ekonomike dhe sëmundje të tjera shoqëruese.
Studiuesit nga Yale analizuan të dhënat e mbi 53,000 personave të moshës 66 vjeç e lart, të cilët kishin mbijetuar nga kanceri i gjirit, prostatës ose zorrës së trashë për të paktën pesë vjet, shkruan MedicalXpress transmeton Gazeta Shneta.
Rezultatet treguan se rreziku më i lartë i depresionit u vërejt te mbijetuarit e kancerit të gjirit (13.3%), ndërsa ata me status të dobët ekonomik, ngarkesë të lartë komorbiditetesh dhe histori ankthi ishin më të predispozuar të preken.
Po ashtu, te pacientët me kancer të prostatës, radioterapia rezultoi të lidhej me rrezik më të lartë për depresion të vonshëm.
Sipas autorëve, këto gjetje duhet të përdoren për të përmirësuar kujdesin e mbijetuarve nga kanceri, duke siguruar monitorim më të rregullt dhe qasje të barabartë në shërbimet për diagnostikimin dhe trajtimin e depresionit./Gazeta Shneta/