Një ilaç shumë i rrallë, i prodhuar nga gjaku i vullnetarëve të vaksinuar kundër botulizmit, po shpëton jetën e foshnjave që janë shumë të vogla për ta luftuar vetë këtë sëmundje të rrezikshme. Ilaçi, i njohur si BabyBIG, është i vetmi antidot kundër botulizmit infantil – një sëmundje paralizuese dhe potencialisht vdekjeprurëse.
Rasti i Alessandro Barberës, i shtruar me urgjencë në një spital në SHBA në tetor, tregoi qartë rëndësinë e këtij trajtimi. Babai i tij, Tony Barbera, tha se kishte dëgjuar shumë pak për botulizmin dhe aspak për BabyBIG, ilaçin që me shumë gjasë i shpëtoi jetën djalit të tij. Që nga gushti, të paktën 39 foshnja në 18 shtete amerikane janë sëmurur nga një shpërthim botulizmi i lidhur me formulën e qumështit ‘ByHeart’, shkruan Euronews Health transmeton Gazeta Shneta.
BabyBIG përdor antitrupa të marrë nga plazma e njerëzve të vaksinuar kundër botulizmit, për t’i ndihmuar foshnjat nën një vjeç, sistemi imunitar i të cilave nuk është ende i zhvilluar.
Ilaçi u licencua në vitin 2003 dhe ka shkurtuar ndjeshëm qëndrimet në spital, të cilat më parë mund të zgjatnin disa muaj.
Trajtimi u zhvillua nga shkencëtari i ndjerë Stephen Arnon dhe është përdorur për të trajtuar mbi 3,700 fëmijë në mbarë botën.
Poashtu, prodhohet në sasi të vogla çdo pesë vjet dhe kushton rreth 70 mijë dollarë për dozë. BabyBIG mbështetet te donatorë si Nancy Shine, një biokimiste në pension, e cila kontribuoi me plazmën e saj për vite me radhë.
Megjithëse botulizmi infantil është i rrallë, ky ilaç përfaqëson një arritje të jashtëzakonshme shkencore dhe njerëzore, duke u dhënë shpresë familjeve dhe duke shpëtuar jetë foshnjash. /Gazeta Shneta/