Një studim i ri tregon se mamografitë tek gratë mbi 80-vjeç shpesh mund të zbulojnë kancer të gjirit në stadin e hershëm, që zakonisht trajtohet vetëm me medikamente orale.
Gratë e moshuara që kryejnë mamografi kanë një rrezik më të ulët për rikthim të kancerit dhe vdekje. Ekspertët rekomandojnë që gratë mbi 75-vjeç të diskutojnë me mjekun e tyre për vazhdimin e kontrolleve, shkruan burimi Very Well Health transmeton Gazeta Shneta.
Nuk ka udhëzime formale për skreeningun e kancerit të gjirit tek gratë mbi 75-vjeç në SHBA.
Disa organizata sugjerojnë të vazhdojnë sa kohë janë të gatshme, ndërsa të tjera thonë se nuk ka mjaftueshëm prova për përfitimet e vazhdimësisë së testimeve.
Megjithatë, studimi i kryer në UCLA me 174 gra mbi 80-vjeç, gjeti se shumica e kancereve ishin estrogjen-receptor pozitiv dhe HER2-negativ – tipi më i zakonshëm dhe i trajtueshëm dhe u zbuluan në faza të hershme.
Gratë që kishin kryer mamografi kishin 55% rrezik më të ulët për rikthim të kancerit dhe 74% rrezik më të ulët për vdekje, edhe pas përshtatjes për moshën, tipin e tumorit dhe kirurgjinë.
Mamografitë janë më të lehta për t’u interpretuar tek gratë e moshuara, sepse ekzistojnë imazhe të mëparshme për krahasim dhe ndryshimet e reja shpesh lidhen me kancerin.
Megjithatë, studimi përfshiu vetëm gratë me kancer dhe nuk mori parasysh efektet anësore si rezultate false, testime shtesë ose stres emocional dhe financiar. Studime më të mëdha janë të nevojshme për të konfirmuar përfitimet e mamografive në këtë grup moshe.
Ekspertët rekomandojnë që gratë mbi 75-vjeç të mos ndalojnë mamografitë pa diskutuar me mjekun ose onkologun e tyre dhe të kërkojnë një opinion të dytë nëse kanë pasiguri.
Kontrolli i hershëm mund të zbulojë kancerin përpara se të përparojë, duke rritur shanset për trajtim të suksesshëm. /Gazeta Shneta/