Një studim i ri shkencor sugjeron se disa ndryshime specifike në dietë mund të ndikojnë në mënyrën se si organizmi përdor energjinë dhe djeg yndyrën.
Studiuesit analizuan efektin e reduktimit të dy aminoacideve metioninë dhe cisteinë, të cilat gjenden kryesisht në ushqime të pasura me proteina si mishi, vezët dhe produktet e qumështit, shkruan Medical, transmeton Gazeta Shneta.
Rezultatet treguan se reduktimi i këtyre aminoacideve mund të aktivizojë disa procese metabolike që rrisin shpenzimin e energjisë dhe përdorimin e yndyrës si burim energjie.
Eksperimentet në laborator dhe në studime të kufizuara me njerëz treguan se organizmi mund të përshtatet duke rritur metabolizmin dhe duke përmirësuar kontrollin e sheqerit në gjak.
Megjithatë, ekspertët theksojnë se dieta duhet të jetë gjithmonë e balancuar dhe se nevojiten studime më të gjera për të kuptuar plotësisht efektet afatgjata të këtij lloji të dietës. /Gazeta Shneta/