Ekspertët theksojnë se zgjedhjet e stilit të jetesës dhe diagnostikimi i hershëm po bëhen gjithnjë e më të rëndësishme në parandalimin e sëmundjes së Alzheimerit, e cila prek rreth 32 milionë njerëz në mbarë botën.
Vitet e fundit, shkencëtarët kanë zhvilluar metoda të reja për zbulimin e hershëm të kësaj sëmundjeje, duke përfshirë biomarkerët në gjak, testet e specializuara, neuroimazherinë dhe vlerësimet digjitale të funksioneve njohëse, shkruan burimi Medical News Today transmeton Gazeta Shneta.
Studimet tregojnë se diagnostikimi i hershëm mund të përmirësojë ndjeshëm rezultatet për pacientët, duke mundësuar trajtim më efektiv, pjesëmarrje në studime klinike dhe një cilësi më të mirë jetese.
Njëkohësisht, kërkimet si studimi amerikan “POINTER”, kanë treguar se ndërhyrjet në stilin e jetesës – si aktiviteti fizik, dieta e shëndetshme, stimulimi mendor dhe social mund të ndihmojnë në ruajtjen e shëndetit të trurit dhe përmirësimin e funksioneve njohëse.
Ekspertët nënvizojnë se teknologjitë e reja mund të zbulojnë ndryshimet në tru shumë vite para shfaqjes së problemeve serioze me kujtesën. Megjithatë, shumë pacientë ende diagnostikohen vonë, kur ndërhyrjet janë më pak efektive.
Prandaj, fokusi i ri është identifikimi i hershëm i rrezikut dhe marrja e masave parandaluese në kohë, për të ngadalësuar ose edhe parandaluar zhvillimin e demencës. /Gazeta Shneta/