Një rishikim i fundit shkencor i publikuar në “Nutrition Research” shqyrton nëse përmirësimi i mikrobiomës së zorrëve mund të ndihmojë në ruajtjen e shëndetit të trurit me kalimin e moshës. Studimi fokusohet te probiotikët, prebiotikët, ndryshimet në dietë dhe transplantimi i mikrobiotës fekale (FMT).
Sipas autorëve, modulimi i mikrobiomës mund të ngadalësojë rënien njohëse dhe të përmirësojë funksionin e trurit. Ky ndikim lidhet me uljen e inflamacionit në tru, përmirësimin e sinjalizimit të neurotransmetuesve dhe rritjen e metabolitëve të dobishëm të prodhuar nga bakteret, shkruan burimi Medical News Today transmeton Gazeta Shneta.
Ndryshe nga shumë trende të diskutueshme në rrjetet sociale, rëndësia e shëndetit të zorrëve mbështetet gjithnjë e më shumë nga prova shkencore.
Mikroorganizmat në zorrë luajnë rol kyç në tretje, prodhimin e vitaminave dhe komunikimin me trurin përmes të ashtuquajturit boshti zorrë–tru.
Me kalimin e moshës, aftësitë njohëse dobësohen, dhe në disa raste kjo çon në demencë. Për këtë arsye, studiuesit po kërkojnë mënyra për të reduktuar këtë rrezik.
Probiotikët, megjithëse të përhapur, kanë treguar efekte të kufizuara te individët e shëndetshëm, për shkak të kompleksitetit dhe individualitetit të mikrobiomës.
Megjithatë, qasje të tjera si prebiotikët (fibrat që ushqejnë bakteret e mira), sinbiotikët dhe FMT po marrin vëmendje të shtuar.
Edhe pse kjo fushë është ende në zhvillim, studiuesit e konsiderojnë mikrobiomën një objektiv premtues për mbështetjen e shëndetit njohës dhe plotësimin e trajtimeve ekzistuese. /Gazeta Shneta/