Familja e vogëlushit Benjamin Beqiri ka bërë apel publik për ndihmë financiare, pasi djali i tyre ka nevojë për trajtim të sërishëm jashtë vendit.
Përmes një mesazhi emocional të shpërndarë në rrjetet sociale, familja ka bërë të ditur se kjo nuk është hera e parë që përballen me sfida të rënda shëndetësore për Benjaminin.
Sipas tyre, prej kohësh ai i është nënshtruar kontrolleve dhe trajtimeve të vazhdueshme, ndërsa tani kërkohet ndërhyrje dhe trajtim i mëtejshëm jashtë Kosovës.
Nëna e vogëlushit ka shprehur dhimbjen dhe shqetësimin e saj për gjendjen e të birit, duke theksuar se përveç sfidës emocionale, barra financiare është bërë e papërballueshme për familjen.
“Si nënë, nuk e kam aspak të lehtë. Dhimbja dhe shqetësimi për Benin tim është i madh, por edhe barra financiare është bërë jo e lehtë për ne,” thuhet në apelin e saj.
Familja u bën thirrje të gjithë qytetarëve, bizneseve dhe njerëzve të vullnetit të mirë që të kontribuojnë, duke theksuar se çdo ndihmë, sado e vogël, ka rëndësi të madhe dhe u jep shpresë për të vazhduar përpjekjet për shërimin e Benjaminin.
“Çdo kontribut për ne ka vlerë të madhe dhe na jep shpresë për ta vazhduar këtë rrugëtim. Zoti ju shpërbleftë me të mirat e Tij të gjithë ju që na ndihmoni dhe jeni pranë nesh,” thuhet më tej në mesazh.
Për të gjithë ata që dëshirojnë të ndihmojnë, familja ka vënë në dispozicion edhe një numër kontaktues:
+383 43 519 361
