Medikamente si Ozempic, Mounjaro, Wegovy, Zepbound, Saxenda dhe Foundayo përdoren për diabetin tip 2, por janë bërë shumë të njohura edhe për humbje peshe.
Sipas burimit Very Well Health, ato i përkasin një klase të re barnash të quajtur agonistë GLP-1.
Mes tjerash, mund të sjellin mesatarisht 6% deri në 20% humbje peshe, varësisht nga ilaçi. Teksa, disa prej tyre ulin edhe rrezikun për sëmundje të zemrës dhe veshkave.
Barnat si Ozempic, Mounjaro, Wegovy, Zepbound, Saxenda dhe Foundayo bëjnë pjesë në një grup më të ri ilaçesh të quajtur agonistë GLP-1.
Këto barna jepen si injeksione (dhe disa në forma të tjera) dhe sot konsiderohen ndër trajtimet më efektive për diabetin tip 2 dhe menaxhimin e peshës trupore.
Ndryshe nga shumë ilaçe të vjetra për humbje peshe, këto medikamente veprojnë në mënyrë më të drejtpërdrejtë mbi oreksin dhe tretjen:
– ulin oreksin;
– ngadalësojnë tretjen;
– rrisin ndjenjën e ngopjes më shpejt.
Si rezultat, pacientët hanë më pak dhe humbin peshë gradualisht.
Studimet tregojnë se këto barna mund të shkaktojnë: rreth 6% deri në 20% humbje peshe, varësisht nga lloji dhe doza.
Gjithashtu, disa kërkime tregojnë se ato mund të: ulin rrezikun për sëmundje të zemrës dhe ulin rrezikun për sëmundje të veshkave.
Edhe pse janë efektive, këto barna nuk janë pa pasoja. Efektet më të zakonshme përfshijnë: të përziera, të vjella, diarre dhe kapsllëk. Këto ndodhin për shkak të mënyrës se si ilaçet ngadalësojnë tretjen dhe ndikojnë në sistemin e urisë.
Këto ilaçe u bënë shumë të njohura pas përdorimit të tyre nga figura publike dhe ndikues në rrjetet sociale, të cilët raportuan humbje të shpejtë peshe.
Kjo rritje e kërkesës solli mungesë të përkohshme të disa barnave, sidomos Wegovy, përdorim “off-label” të Ozempic nga persona pa diabet tip 2 dhe problemet me furnizimin dhe sigurimet.
Edhe sot ekzistojnë disa sfida: probleme në zinxhirin e furnizimit, kufizime nga kompanitë e sigurimeve shëndetësore, refuzime të mbulimit edhe për pacientë me diabet.
Ekspertët theksojnë se entuziazmi për këto barna është i arsyeshëm.
Rreth 40% e të rriturve në SHBA kanë obezitet dhe 30% kanë mbipeshë. Prandaj, këto ilaçe konsiderohen si fillimi i një epoke të re në trajtimin e peshës trupore.
Megjithatë, ato nuk janë “zgjidhje magjike” dhe duhet përdorur me kujdes mjekësor.
Sipas endokrinologes Dr. Kelly Wood, barnat GLP-1 si semaglutide (përbërësi aktiv në Ozempic dhe Wegovy) janë efektive dhe të nevojshme, por duhet të shoqërohen me menaxhim mjekësor të kujdesshëm dhe akses më të mirë për pacientët që kanë vërtet nevojë. /Gazeta Shneta/