Në Klinikën e Kirurgjisë Torakale në Qendrën Klinike Universitare të Kosovës është realizuar me sukses një operacion për heqjen e një plumbi nga mushkëria e një pacienti 28-vjeçar.
Pacienti kishte mbetur me plumb në mushkëri që nga një plagosje rreth 10 muaj më parë, transmeton Gazeta Shneta.
“Ekipi mjekësor ka realizuar heqjen e trupit të huaj duke përdorur metodën bashkëkohore VATS-Uniportal (Video Assisted Thoracic Surgery – Uniportal), një teknikë minimale invazive që mundëson trajtim më të sigurt dhe rikuperim më të shpejtë për pacientin.” thuhet në njoftim.
Sipas njoftimit, mjekët kanë arritur ta largojnë plumbin pa komplikime dhe duke ruajtur funksionin normal të mushkërisë.
Pacienti është në gjendje të mirë shëndetësore dhe po vazhdon rikuperimin./Gazeta Shneta/