Sot shënohet Dita Botërore e Mjekut Familjar, një datë që synon të theksojë rëndësinë e mjekëve familjarë në kujdesin shëndetësor primar dhe rolin e tyre si pika e parë e kontaktit të pacientëve me sistemin shëndetësor.
Mjekët familjarë konsiderohen si shtylla kryesore e kujdesit shëndetësor, pasi ata merren me parandalimin, diagnostikimin dhe trajtimin e një game të gjerë sëmundjesh, si dhe ndjekjen afatgjatë të pacientëve dhe familjeve të tyre.
Në shumë vende, përfshirë edhe Kosovën, ata luajnë rol të rëndësishëm në lehtësimin e ngarkesës së spitaleve dhe në orientimin e pacientëve drejt trajtimit të duhur në kohë.