Një studim i publikuar së fundmi sugjeron se vetëm 90 deri në 120 minuta ushtrime force në javë mund të lidhen me një jetë më të gjatë dhe me rrezik më të ulët të vdekjes së parakohshme. Studiuesit ndoqën mbi 147,000 të rritur për një periudhë deri në 30 vjet, duke analizuar ndikimin e aktivitetit fizik në shëndetin afatgjatë.
Ushtrimet e forcës përfshinin ngritjen e peshave, si dhe ushtrime të thjeshta si pompat. Rezultatet treguan se personat që kryenin 90–119 minuta ushtrime force në javë kishin 13% më pak rrezik për vdekje të parakohshme nga çdo shkak, shkruan burimi Health Day transmeton Gazeta Shneta.
Po ashtu, ata kishin 19% më pak rrezik për të vdekur nga sëmundjet e zemrës dhe 27% më pak rrezik për vdekje nga sëmundjet neurologjike ose të trurit.
Për sa i përket kancerit, përfitimet u vunë re kryesisht te personat që kryenin deri në 59 minuta ushtrime force në javë.
Studiuesit zbuluan gjithashtu se kombinimi i ushtrimeve të forcës me aktivitete aerobike, si ecja, çiklizmi ose noti, ofronte përfitime edhe më të mëdha për jetëgjatësinë sesa ushtrimet e forcës të vetme.
Këto rezultate mbështesin rekomandimet aktuale të ekspertëve të shëndetit, të cilët sugjerojnë kombinimin e ushtrimeve aerobike dhe atyre të forcës për të përmirësuar shëndetin e përgjithshëm dhe për të rritur jetëgjatësinë. /Gazeta Shneta/