Maria Montessori ka sjellë për prindërit këshilla shumë të vlefshme në lidhje me rritjen dhe edukimin e fëmijës.
Ajo ka qenë edukatore, filozofe, mjeke, dhe neuropsikiatre infantile e shkencës italiane dhe të gjitha metodat e sjella nga ajo për prindërit marrin emrin “Montessori”.
Ja çfarë këshillon ajo në lidhje me gjumin e fëmijës
Përshtasni me kujdes orën e gjumit të fëmijës. Duhet të dini se bebet e lindura në mëngjes kanë tendencën të flejnë më shumë gjatë ditës dhe anasjelltas. E modifikoni kohën e gjumit të tij me shumë kujdes në mënyrë që ai të flejë më shumë gjatë natës.
Mos e stimuloni më tepër se ç’duhet gjatë ditës, ndryshe ai do të lodhet, stresohet dhe do të ketë vështirësi në të fjetur.
Krijoni një ritual super të njëjtë. Maria Montessori këshillon: një banjo midis ores 18-20:00, veshja e pizhamave, një darkë e lehtë dhe pas kësaj aspak lojëra por ndonjë përrallë në dhomën e gjumit. Nëse zgjohet natën mos e merrni menjëherë në krah por e siguroni që jeni atje duke i folur lehtë.
E leni të flejë pranë jush të paktën deri në vitin e parë të jetës. E bashkoni krevatin tuaj me të bebes dhe kështu ju do të jeni më në harmoni me njëri-tjetrin.
Shkoni pranë fëmijës nëse ju kërkon natën. Zgjimet e fëmijës gjatë natës duhet të konsiderohen si diçka tepër normale, sidomos midis muajit 18 dhe 3 vjeç, periudhë në të cilën zhvillohet edhe ankthi i ndarjes. Pra është normale të kërkojë të shkoni pranë tij gjatë natës.
Mos e lejoni që gjatë ditës të qëndrojë vetëm shtrirë. Fëmija duhet të jetë i lirë të lëvizë. Një fëmijë që qëndron gjithë ditën në relaks apo në krevat nuk do të fitojë eksperienca të mira motorike.
E lini të luajë vetë. Nëse ju ndërhyni shpesh në lojën e tij ai mund të bëhet pasiv dhe të presë gjithmonë nga ju. Nëpërmjet kësaj fëmija fiton aftësi për të qënë i pavarur.
Mos ja jepni biberonin fallco sapo qan. Ai jua lehtëson jetën prindërve por nuk përbën avantazh për të vegjlit.
Për t’u dëgjuar fjala juaj duhet të jeni të edukuar por të qartë. Vendosni ju kur do të jetë momenti i gjumit dhe pyetje të tilla si “ke qejf të flesh gjumë” nuk duhet të ekzistojnë. Me shumë mirësjellje e bëni fëmijën të kuptojë kur është momenti. Ai duhet të kuptojë që nuk eksizton alternativë tjetër, por duhet të flisni në mënyrë të qetë, të vendosur dhe të ekuilibruar.
Nëse gjatë natës zgjohet si pasojë e një ëndrre të keqe, në mëngjes duhet t’i shpjegoni se të njëjtën gjë keni parë edhe ju. Kështu ai do të kuptojë se kjo gjë ju ndodh të gjithëve, e madje edhe prindërve të tij, transmeton pernenat.