Një grua kineze është quajtur “nëna më e bukur”, pasi ka ndihmuar një fëmijë të braktisur në rrugë, duke e ushqyer me gji.
Sipas “People’s Daily Online”, fëmija është disa javësh. Gruaja, e cila nuk është identifikuar, ka dalë vullnetare që ta ushqejë vogëlushin e braktisur.
I sapolinduri është parë në fillim nga një grua e quajtur Wei, në fshatin Xianyang, më 11 maj. Ajo ka vënë re një kuti dhe ka menduar se në të ka mbeturina. Por më vonë ka dëgjuar një të qarë fëmije.
Ajo së bashku me disa kalimtarë kanë shkuar pranë kutisë, ku kanë gjetur fëmijën. Ata kanë vënë re se ai ishte i uritur.
Një grua, e cila duket se është një nënë e re, ka marrë në krahë fëmijën, është ulur dhe i ka dhënë gji.
Sipas punonjësve socialë, fëmija nuk është në gjendje të mirë shëndetësore dhe mjekët po merren për përmirësimin e tij.