“Duhet të jetë gabim”, ishte përgjigjja e parë e nënës shtatzënë kur mjeku i tha se testi i HIV kishte rezultuar pozitiv.
Nëna Jen Morson insistoi që testi të bëhej edhe një herë, por ajo mbeti e dëshpëruar kur mjeku i tha se e kishte bërë testin nëntë herë, shkruan KidSpot, transmeton Gazeta Shneta.
Nëna shkoi menjëherë te burri i saj për të pyetur se çfarë ka ndodhur pasi ishte i vetmi njeri me të cilin kishte pasur marrëdhënie. Madje dyshonte nëse ai kishte kryer marrëdhënie me ndonjë grua tjetër, e cila potencialisht kishte transmetuar virusin tek ai.
Jenn tani e tronditur nga ky lajm, filloi të mendonte për beben e saj e cila ende nuk kishte lindur. Si do të mund ta mbronte foshnjën në bark, të mos prekej nga virusi.
Megjithatë ajo vazhdoi të këmbëngulte se testi ishte i rremë dhe u angazhua që të gjej një infektolog për ta vërtetuar.
Përmes një mamie në spital, ajo dërgoi analizat e saj në një laborator në Kaliforni të SHBA-së, i vetmi laborator që mund të testojë me saktësi testin për HIV.
Rezultati u vonua 10 ditë dhe ajo përjetoi ankth e tmerr gjatë këtyre ditëve.
Por fundi ishte i lumtur. Nëna kishte pasur të drejtë, nuk kishte qenë e prekur nga HIV.
Rezultati kishte dal pozitiv për shkak të rritjes së numrit të antitrupave, por jo HIV-it. /Gazeta Shneta/