Shumë herë, shumë nëna vihen në siklet rreth asaj se cila mund të jetë metoda më e mirë e ushqyerjes te fëmijët.
Kështu shumë nëna kanë treguar shqetësimet e tyre rreth kësaj çështje e ndër to ka edhe shqetësime për mënyrën e ushqyerit në çerdhet shqiptare.
Shqetësim i një nëne për mënyrën se si ushqehen në çerdhet shqiptare fëmijët:
Unë kam një shqetësim të madh sa i përket çerdhes ku qoj bebushin tim (asaj sa i kanë dalë 3 dhëmbë). Sa e di unë, deri në tre vjeç ato duhet të ushqehen me lugë të vogël plastike e jo me lugë të madhe metalike.
A ju ndodhë edhe juve njësoj? U ankova te drejtoresha e çerdhes – bëra kërkesë për këtë por më tha që duhet të kem fakte shkencore.
Një shqetësim tjetër vjen për shujtat/kohën e ushqimit. Foshnja ime (9 muajshe) kur ha drekën në 12:00 deri kur vjen në shtëpi në 17:30, ajo ha vetëm një shujtë kos me fruta (diku rreth ores 14:30), si pasojë e kësaj ajo është e uritur dhe nuk pushon së qari deri kur ha në shtëpi (e që shkon deri në orën 18:00) për shkak të trafikut dhe deri sa të përgatis diçka të shpejtë.
Për këtë gjë, drejtoresha më tha ushqimin e përgatisin dietologët, e ne skemi çfarë të bëjmë.. Ajo prap kërkon fakte shkencore bindëse që fëmija im duhet të hajë diçka tjetër e jo kos që ja gërryen barkun e nuk ja mbushë.
Si duket, nuk i mjafton që fëmija im rri i uritur!! A keni ndonjë ide si mund t’ia dal me këtë punë!? /Gazeta Shneta/