Studimet mbi efektet e kafeinës në shëndetin e zemrës kanë fituar interes vitet e fundit.
Në këtë përmbledhje të studimeve më të fundit që eksplorojnë efektet e kafeinës në shëndetin kardiovaskular, Medical News Today përmbledh provat më të fundit për të nxjerrë në pah gjetjet kryesore dhe rekomandimet transmeton Gazeta Shneta.
Disa studime sugjerojnë se konsumimi i kafeinës mund të ndihmojë në rritjen e shëndetit të enëve të gjakut dhe në uljen e rrezikut të diabetit të tipit 2, ndërsa të tjera tregojnë se konsumimi i tepërt mund të rrisë rrezikun e goditjes në tru.
Miliona njerëz pinë kafe në forma të rregullta ditore. Disa njerëz preferojnë të konsumojnë pijen e famshme me kafeinë në mëngjes për të rritur vigjilencën dhe për të lehtësuar lodhjen, ndërsa të tjerë e konsumojnë atë gjatë gjithë ditës për përfitime të tjera të shumta shëndetësore.
Duke marrë parasysh se rreth 1 në 7 vdekje në mbarë botën shkaktohen nga sëmundjet koronare të zemrës, përfitimet e mundshme kardioprotektive të kafesë e bëjnë atë një temë emocionuese të kërkimit.
Studimi më i fundit mbi këtë temë, i botuar në “Rheumatology” më 9 tetor, zbuloi se konsumimi i sasive më të mëdhaja të kafeinës – që gjendet në burime të tilla si kafeja, çaji dhe kakao – mund të ndihmojë në përmirësimin e shëndetit të enëve të gjakut. Ajo që e bëri këtë studim veçanërisht interesant ishte se ai u krye në pacientët me lupus, një sëmundje autoimune që është lidhur me një rrezik në rritje të goditjes në tru, sulmit në zemër dhe sëmundjeve kardiovaskulare.
Sipas një studimi të publikuar në shtator në “Journal of Clinical Endocrinology & Metabolism” të Shoqërisë Endokrine, konsumimi i kafesë dhe kafeinës në mënyrë të moderuar në baza të rregullta mund të ndihmojë në parandalimin e kushteve si diabeti i tipit 2, sëmundjet koronare të zemrës dhe goditjes në tru. Sasia që studiuesit zbuluan se kishte efektet më mbrojtëse ishte rreth 200-300 mg në ditë, ose afërsisht 2-3 filxhanë kafe. /Gazeta Shneta/