Shumë prej njerëzve pëlqejnë një gotë birre të kendshme pas një dite të lodhshme me miqtë e tyre. Mirëpo, nëse jeni nënë gjidhënëse shpesh mund të keni menduar se a mund të ndikojë birra në gjidhënien tuaj?
Sipas Qendrës për Kontrollin dhe Parandalimin e Sëmundjeve (CDC), alkooli mund të kalojë në qumështin e gjirit shkruan Verywell Family, transmeton Gazeta Shneta.
Mirëpo, në rast se sasia është e moderuar ai nuk mund të paraqet rrezik për bebin tuaj.
Sipas Jessica Madden, pediatre, ka thënë se nënat gjidhënëse nuk duhet të pijnë më shumë se një gotë në ditë pije alkoolike.
Mes tjerash, ajo së bashku me Akademinë Amerikane të Pediatrisë rekomandon të prisni për një periudhë kohore për të ushqyer me gji bebin tuaj pas pijes alkoolike.
“Sugjerohet të prisni të paktën dy orë pas konsumimit të një pije përpara gjidhënies, pasi alkooli mund të gjendet në qumështin e gjirit dhe nivelet janë përgjithësisht më të larta 30 deri në 60 minuta pas konsumimit të alkoolit,” shpjegon Dr. Madden.
Ajo se cfarë duhet të keni parasysh si nënë është se rrugëtimi i cdo nëne është i ndryshëm. Andaj, në këtë rast sigurohuni që të konsultoheni me mjekun tuaj përpara se të konsumoni birrën kur jeni nënë gjidhënëse. /Gazeta Shneta/