Një studim i ri zbulon se njerëzit që marrin kanabis mjekësor kanë dy herë më shumë shanse për fibrilacion atrial, një lloj aritmie e zemrës, megjithëse rreziku është ende i ulët.
Fibrilacioni atrial mund të çojë në sulme në zemër, goditje në tru dhe mpiksje gjaku dhe kanabisi rekreativ ka qenë gjithashtu i lidhur me një rrezik në rritje të sulmit në zemër shkruan burimi Medical News Today përcjell Gazeta Shneta.
Sipas një studimi të ri nga Danimarka, njerëzit të cilëve u është dhënë kanabis mjekësor janë në një rrezik pak më të lartë për të zhvilluar fibrilacion atrial, veçanërisht brenda 180 ditëve të para.
Në SHBA, që nga prilli 2023, 38 shtete, Distrikti i Kolumbisë dhe tre territore aktualisht lejojnë kanabisin mjekësor.
Disa vende evropiane, duke përfshirë Britaninë e Madhe, Portugalinë, Spanjën dhe Holandën, si dhe vende të tjera anembanë botës, tani po lejojnë përdorimin e tij ligjor mjekësor, me më shumë që pritet të pasojnë.
Fibrilacioni atrial, është një rrahje zemre e parregullt ose aritmike, e cila është lidhur me rezultate më serioze kardiovaskulare si goditje në tru, dështim të zemrës dhe mpiksje gjaku nëse nuk trajtohet.
Studimi është një analizë e të dhënave nga 5,391 danezë që përdornin kanabis mjekësor për lehtësim nga dhimbjet kronike, krahasuar me njerëzit që nuk përdornin kanabis. Mosha mesatare e pjesëmarrësve ishte 59 vjeç dhe 63.2% ishin gra.
Në studimin e ri, rritja më e madhe e fibrilacioni atrial u vu re te pacientët me sëmundje kardiometabolike dhe kancer.
Studimi është publikuar në revistën “European Heart Journal”. /Gazeta Shneta/