Një analizë e fundit e botuar në ‘Acta Obstetricia et Gynecologica Scandinavica’ nuk gjeti asnjë lidhje midis konsumit të kafeinës nga gratë dhe shtatzënisë ose shkallës së lindjeve të gjalla pas trajtimeve të fertilitetit.
Mirëpo konsumi i alkoolit nga gratë u shoqërua me uljen e shkallës së shtatzënisë pas trajtimeve kur konsumi javor ishte më i madh se 84 g (afërsisht 7 pije standarde), shkruan Medical Xpress përcjell Gazeta Shneta.
Gjithashtu, konsumimi i alkoolit nga meshkujt u shoqërua me ulje të shkallës së lindjeve të fëmijës pas trajtimeve të fertilitetit tek gratë kur konsumi javor ishte më i madh se 84 g.
Analiza përfshinte të gjitha studimet përkatëse të publikuara para datës 15 korrik 2022. Janë përfshirë gjithsej 7 studime mbi konsumin e kafeinës dhe 9 studime mbi konsumimin e alkoolit, me një total prej 26,922 grave dhe/ose bashkëshortëve të tyre që iu nënshtruan trajtimit të fertilitetit.
Krahasuar me abstenuesit, mundësia për të arritur një shtatzëni pas trajtimit të fertilitetit u ul me 7% për gratë që konsumonin 84 g alkool në javë dhe mundësia e partnerëve për të arritur një lindje të fëmijës u ul me 9% për burrat që konsumonin 84 g alkool në javë.
“Çiftet duhet të jenë të vetëdijshme se disa faktorë të modifikueshëm të stilit të jetesës si zakonet e pirjes mund të ndikojnë në rezultatet e trajtimit të tyre të fertilitetit.
Por se si këta faktorë ndikojnë në sistemin riprodhues ende ka nevojë për më shumë kërkime për t’u sqaruar,” tha autori përkatës, Dr. Yufeng Li, nga Spitali Tongji, në Kinë. /Gazeta Shneta/