Një studim i ri sugjeron se disa aktivitete, të cilat kërkojnë angazhim mendor, mund të ndihmojnë në uljen e rrezikut për demencë. Studimi është publikuar në revistën “American Journal of Preventive Medicine”.
Ndër aktivitetet mendore përfshihen leximi i librave, zgjidhja e fjalëkryqeve, mësimi i aftësive të reja dhe pjesëmarrja në aktivitete arsimore. Këto quhen “sjellje sedentarë mendore aktive” dhe dallohen nga sjelljet sedentarë pasive, si shikimi i televizionit, që kërkojnë pak përpjekje mendore dhe lidhen me rritje të rrezikut për depresion dhe probleme të tjera njohëse, shkruan burimi Medical News Today transmeton Gazeta Shneta.
Studiuesit analizuan të dhëna nga më shumë se 20,000 të rritur të moshës 35–64 vjeç në “Swedish National March Cohort”.
Rezultatet treguan se aktivitetet sedentarë aktive mendore nuk lidhen negativisht me shëndetin mendor dhe mund të jenë mbrojtëse, ndërsa aktivitetet sedentarë pasive rrisin rrezikun për probleme njohëse dhe depresion.
Sipas Mats Hallgren, angazhimi i trurit përmes këtyre aktiviteteve është i zakonshëm në jetën e përditshme dhe ka efekte të dobishme për shëndetin mendor dhe njohës.
Ky studim thekson rëndësinë e zgjedhjes së aktivitetit për parandalimin e sëmundjeve njohëse si Alzheimer-i dhe lloje të tjera të demencës. /Gazeta Shneta/