Aktorja Vlora Nikçi ka mahnitur të gjithë me fotosesionin e saj pak para lindjes
E njohur për një numër të madh të roleve, sidomos në teatër por edhe në film, aktorja Vlora Nikçi ka befasuar të gjithë me fotosesionin e saj të fundit që e ka bërë pak kohë para se të lind.
Aktorja, e cila është e martuar me aktorin Armend Baloku, ka udhëtuar në Shtetet e Bashkuara të Amerikës, ku pritet që edhe të lind në këtë shtet.
Madje, mësohet se Vlora pak para se të mbetej shtatzënë ka qenë e zënë edhe me një sërë projektesh filmike.
Vlora është angazhuar edhe në SHBA gjatë periudhës së shtatzënisë për të xhiruar një film të ri.
Kjo është shtatzënia e parë e Vlorës, e cila ka disa vite që bashkëjeton me aktorin tjetër të njohur të skenës sonë, Armend Baloku.
““Unë dhe Armendi jemi në pritjen e fëmijës sonë të parë. Ndjenjën nuk di ta përshkruaj. Është aq e fuqishme sa që nuk di t’i vë emër. Herë më mallëngjen, here me frikëson dhe herë më kënaq. Mendoj se frika është normale tek prindërit fillestar, ndoshta edhe kjo është krejt veçantia e fëmijës së parë por, të lumtur gjithsesi”, ka thënë Vlora për njërën prej revistave tona në Kosovë. /GazetaExpress/