Dr Marko Zelic është akredituar nga Qendra e Ekselencës në Kirurgjinë Kolorektale së bashku me Qendrën Universitare Spitalore të Rijekës, aty ku ai ushtron profesionin e tij.
Në një njoftim të kësaj qendre, thuhet se Zelic gjithashtu është akredituar edhe në SOECS, si kirurg i ekselencës duke i përmbushur kriteret rigoroze të kësaj qendre, shkruan Gazeta Shneta.
Akreditimet në COECS dhe SOECS janë ndër më të arrirat në kirurgji dhe ato jepen vetëm pas inspektimit dhe përmbushjes së kërkesave të planit 10 pikësh në kirurgji.
Ndryshe, Dr Marko Zelic është figurë shumë e njohur për kirurgët kosovarë. Ai ka vite që mirëpret ata në trajnimet që i organizon në Kroaci.
Së fundmi, kirurgët Dr Floren Kavaja, Dr Rifat Bajrami dhe Dr Afrim Tahiri morën pjesë në kongresin e organizuar në Rijekë dhe Opati, ku fituan vendin e parë për prezantim, vlerësuar pikërisht nga Dr Zelic.
Ky i fundit pritet të mbaj një ligjeratë gjatë muajit tetor në Kosovë para kirurgëve kosovarë. /Gazeta Shneta/
Burimi: Surgical View