Një akupunkturiste në Zelandë të Re ia ka shpuar mushkëritë një pacienteje pasi ia futi gjilpërat më thellë sesa që duhej. Pacientja ishte duke u trajtuar për lëndimin e krahut.
Akupunkturistja zelandeze, emri i të cilit nuk është bërë publik, e dërgoi gruan në shtëpi pa e ditur se ia ka shpuar mushkëritë asaj. Plaga në mushkëri u zbulua kur pacientja filloi të kishte vështirësi në frymëmarrje dhe burri i saj e dërgoi në spital.
Incidenti u bë publik nga komisioneri për shëndetësi dhe nevoja të veçanta, Anthony Hill, i cili tha se kjo punëtore shëndetësore e ka shkelur kodin për të drejtat e pacientëve.
Zyrtari e akuzoi punëtoren për mungesë të informimit të pacientes për rrezikun nga bllokimi i mushkërive dhe për mungesë të pëlqimit me shkrim nga pacientja për ta kryer procedurën me gjilpëra.
Në raportin e tij rekomandohet që akupunkturistja të ndjekë më shumë trajnime dhe tha se klinika ku ajo ka punuar ka shumë klientë, shkruan “Independent”, transmeton Gazeta Express.