Ambasadori i Republikës së Kosovës në Francë, Qëndrim Gashi, ka pasur sot një festë të madhe në shtëpinë e tij. Aty u shtua edhe një anëtar i familjes.
Gashi për herë të dytë u bë baba, edhe kësaj radhe me një djalë, shkruan Gazeta Shneta. Përmes një njoftimi në rrjete sociale, Gashi ka informuar se bashkëshortja e tij, Jeta, i ka dhënë jetë një djali.
E, emrin ata kanë vendosur t’ia lënë Noli. Këtë të fundit e priti edhe vëllai i madh, Jani.
Postimi i plotë i Gashit:
“Jeta dhe unë jemi të lumtur t’ju njoftojmë se sot u lind Noli, djali ynë. Jeta dhe Noli janë mirë, kurse unë po festoj me Janin”.