Ankthet janë çrregullime të gjumit gjatë të cilave fëmijët mund të mos flenë rehat, fillojnë të qajnë, të bërtasin, të flasin me sy hapur por pa u zgjua. Kjo ndodhë për shkak se fëmija juaj është në mes gjumit dhe të zgjuarit, prandaj nuk është i vetëdijshëm për praninë tuaj dhe nuk ka gjasa që t’iu përgjigjet. Ankthet tek fëmijët zakonisht ndodhin në mes orës 2 dhe 6 të mëngjesit.
Çfarë duhet të bëni nëse fëmija juaj ka pasur ankth?
Mos u përpiqni ta zgjoni dhe presim që përpjekjet e juaja për ta ngushëlluar atë do të refuzohen. Një fëmijë që ka ankth nuk mund të qetësohet dhe nëse përpiqeni ta mbani atë mund vetëm ta egërsoni. Nëse nuk është në rrezik ta dëmtojë vetën, mos u përpiqni ta ngushëlloni fizikisht. Thjeshtë filsni me qetësi dhe largoni gjërat që mund ta dëmtojnë, për shembull llampat që gjenden afër shtratit të tyre, fotografitë etj. Para se të shkoni në shtrat, sigurohuni që keni mbyllur derën e jashtme dhe largoni të gjitha lodrat që fëmija juaj mund të dëmtojë vetën me to.
Çfarë i shkakton ankthet dhe a mund të pengohen?
Nuk ka asnjë mënyrë përfundimtare për t’i parandaluar ankthet sepse askush nuk e di saktë se çfarë i shkakton ato. Ankthet mund të rezultojnë nga një rutinë e çrregullt ose e pamjaftueshme e gjumit. Ato mund të shkaktohen nga stresi gjatë ditës ose lodhjes. Ekzistojnë edhe disa dëshmi se ankthet zhvillohen në familje. Por, është e rëndësishme të kuptojmë se nëse një fëmijë ka ankth nuk do të thotë se fëmija ka probleme psikologjike apo është i mërzitur për diçka.
Në disa raste, ankthet mund të ndodhin edhe si pasojë e bajameve të pezmatuara ose indet e zgjeruara në fyt. Ato bllokojnë pasazhet e rrugëve të frymëmarrjes gjatë gjumit, duke e bërë të vështirë frymëmarrjen dhe nxisin që fëmia të zgjohet pjesërisht./GazetaShneta/