Një studim me pothuajse 1,000 gra shtatzëna në Zimbabve tregoi se përdorimi ditor i antibiotikut të lirë dhe të sigurt trimethoprim–sulfamethoxazole lidhej me më pak lindje të parakohshme, sidomos te gratë që jetojnë me HIV.
Studimi u botua në New England Journal of Medicine.
Gratë që morën antibiotikun kishin një reduktim prej 40% të lindjeve të parakohshme krahasuar me ato që morën placebo.
Te grupi i grave me HIV, efekti ishte edhe më i fortë – vetëm 2% e lindjeve ishin parakohe në grupin me antibiotik, kundrejt 14% në grupin placebo, shkruan MedicalXpress transmeton Gazeta Shneta.
Foshnjat e ekspozuara ndaj antibiotikut gjithashtu kishin peshë më të madhe me 177 gramë, megjithëse ndryshimi i peshës nuk ishte qëllimi kryesor i studimit.
Studiuesit sugjerojnë se ky trajtim i thjeshtë dhe i përballueshëm mund të ndihmojë në uljen e vdekshmërisë së fëmijëve nën 5 vjeç, sidomos në vendet me burime të kufizuara.
Ata theksojnë se nevojiten studime të tjera në vende të ndryshme për të konfirmuar efektin./Gazeta Shneta/