Antitrupat e sistemi imunitar luftojnë infeksionet e ndryshme dhe trupi i prodhon ato natyrshëm, por është e mundur që antitrupat të futen në trup në mënyrë artificiale.
Një studim i ri sugjeron që antitrupi monoklonal bamlanivimab mund të zvogëlojë në mënyrë efektive mundësinë e shtrimit në spital dhe vdekjen tek njerëzit me një infeksion SARS-CoV-2 shkruan Medical News Today përcjell Gazeta Shneta.
Trupi ynë prodhon antitrupa për ta ndihmuar atë të luftojë infeksionet. Futja e antitrupave monoklonalë në organizëm për të ndihmuar në bllokimin e virusit ka treguar mundësi premtuese si një trajtim për një infeksion SARS-CoV-2.
Bazuar në natyrën e virusit dhe mënyrën e replikimit, këta antitrupa specifikë mund të neutralizojnë virusin, duke ulur sasinë e virusit të pranishëm në trup.
“Trajtimet me antitrupa kanë një rekord të gjatë të efikasitetit në sëmundjet infektive por nuk janë përdorur shumë, pasi mjekët kanë qenë më të përqendruar në antimikrobikët dhe antiviralët. Kjo përvojë me terapitë e antitrupave kundër COVID-19 mund të ndihmojë në rikthimin e përdorimit më të gjerë të antitrupave për sëmundjet infektive” tha Dr. Arturo Casaadevall nga Universiteti Johns Hopkins.
Njerëzit që rrezikojnë të shfaqin komplikime serioze dhe simptoma të rënda nga infeksioni me SARS-CoV-2 ka më shumë të ngjarë të përfitojnë nga antitrupat monoklonalë si një mundësi trajtimi.
Një nga autorët kryesorë të studimit Dr. Ryan Bariola, ishte shumë entuziast për rezultatet e studimit. Ai i tha se:
“Studimi ynë siguron prova në botën reale për ofruesit dhe pacientët se antitrupat monoklonalë mund të përmirësojnë rezultatet tek njerëzit me COVID-19 të butë deri të moderuar. Për ata me COVID-19 që nuk janë ende mjaft të sëmurë për të kërkuar shtrimin në spital, antitrupat monoklonalë mund t’i parandalojnë ata të sëmuren dhe të kërkojnë një vizitë në departamentin e urgjencës ose shtrimin në spital”. /Gazeta Shneta/