Me miliona njerëz që marrin vaksinën COVID çdo ditë, ne vazhdojmë të mësojmë më shumë rreth efekteve anësore të mundshme të vaksinës.
Siç rezulton nga ky proces, përvoja është jashtëzakonisht e ndryshme midis njerëzve të ndryshëm, dhe ekspertët e shëndetit po përpiqen të mësojnë arsyjen pse?!
Një studim i fundit nga Qendrat për Kontrollin dhe Parandalimin e Sëmundjeve (CDC), ka zbuluar se një grup i caktuar njerëzish kanë reagime më të forta ndaj vaksinës sesa të tjerët shkruan Best Life përcjell Gazeta Shneta.
Gratë po përjetojnë efekte anësore të vaksinës më të forta sesa burrat.
Një studim i 19 shkurtit nga CDC zbuloi se gratë priren të kenë efekte anësore më të forta nga vaksina COVID sesa burrat. Sipas studimit, 79 përqind e efekteve anësore të raportuara erdhën nga gratë.
Efektet anësore më të zakonshme të raportuara nga gratë ishin dhimbje koke (22 përqind), lodhje (17 përqind) dhe marramendje (17 përqind).
Mosha mesatare e grave që raportojnë efekte anësore pas marrjes së vaksinës së tyre ishte 42 vjeç.
Ekspertët mendojnë se gratë kanë efekte anësore më të forta për shkak të estrogjenit.
Sipas Healthline, ekspertët dyshojnë se nivelet e estrogjenit të grave janë arsyeja që ato po përjetojnë efekte anësore të vaksinës më të forta.
Estrogjeni ndihmon në aktivizimin e përgjigjes imune ndaj sëmundjeve, ngjajshëm edhe ndaj vaksinave.
Nga ana tjetër, burrat kanë tendencë të kenë nivele më të larta të testosteronit, i cili mund të ketë efekt të kundërt, duke zbutur ose ngadalësuar përgjigjen imune.
“Në gratë, ekziston një përgjigje e bollshme dhe më e fortë ndaj shumë vaksinave”, tha për Healthline Dr. Larry Schlesinger, drejtori ekzekutiv i Institutit të Kërkimeve Biomjekësore të Teksasit në San Antonio. “Ka shumë shkencë prapa kësaj.”
Në thelb, estrogjeni inkurajon trupin të prodhojë më shumë qeliza T të cilat nga ana tjetër shkaktojnë një përgjigje më të fortë, shpjegoi Dr. Schlesinger.
Ekspertët thonë se efektet anësore nuk duhet të pengojnë askënd nga marrja e vaksinës.
Mjekët dhe shkencëtarët nuk janë të shqetësuar me këto rezultate të studimit sepse ato janë në përputhje me vaksinat e kaluara.
Sipas Healthline, ekspertët mendojnë se gratë nuk duhet të hezitojnë të marrin vaksinën COVID, pasi rreziku i mundshëm i sëmundjes është shumë më i rëndësishëm sesa rreziku i efekteve anësore të vaksinës. /Gazeta Shneta/